China-Eurasia News Ticker

Չինահայերը հնարավորինս պահպանում են հայկական Ամանորի ավանդույթները.Մհեր Սահակյան

Չինահայերը հնարավորինս պահպանում են հայկական Ամանորի ավանդույթները.Մհեր Սահակյան

«Հայերն այսօրը» Ամանորի և Սուրբ Ծննդյան տոների նախաշեմին շարունակում է անդրադառնալ աշխարհի տարբեր երկրներում ապրող հայերին, ովքեր,Հայաստանից հեռու գտնվելով, պահպանում են Նոր տարին նշելու հայկական սովորույթներն ու հոգևոր խորհուրդը:

Այս անգամ Չինաստանի հայկական համայնքի նախագահ Մհեր Սահակյանը պատմում է չինահայերի հայկական Ամանորի մասին:

՞նչ խորհուրդ ունի Ամանորն ու Սուրբ Ծնունդը Ձեզ համար:

-Ամանորն ու Սուրբ Ծնունդը նորի սկիզբ են խորհրդանշում:Դա նշանակում է, որ ամեն ինչ կարելի է սկսել նորից ու արձանագրել նորանոր հաջողություներ:Այս օրերին կարելի է խորհել նաև անցած տարվա արդյունքների մասին՝ հետևություններ կատարելով և ուրվագծելով նոր նպատակներ:

-Պարո՛ն Սահակյան, հեռավոր Չինաստանում հայկական ավանդական Ամանորի շունչը զգացվու՞մ է, համայնքում տոնական միջոցառումներ  իրականացվու՞մ են:

-Չինաստանի տարբեր քաղաքներում բնակվող հայերը հավաքույթներ են կազմակերպում, միասին դիմավորում Ամանորը, իսկ հետո էլ՝ Սուրբ Ծնունդը:Փորձում են հնարավորինս պահպանել ավանդույթները:

Երկու տարի առաջ՝ դեկտեմբեր ամսին, Չինաստանի հայկական համայնքը տոներին ընդառաջ Պատարագ կազմակերպեց, որի շնորհիվ Չինաստանի տարբեր քաղաքներում բնակվող հայերը միավորվեցին Գուանջոու քաղաքում:Այս պատարագը խորհրդանշական էր, քանի որ մի քանի տասնամյակ Չինաստանի տարածքում հայկական պատարագ չէր մատուցվել:Սա, կարծես, ազդարարում էր նաև Չինաստանում հայապահպանության մեկնարկի ակտիվացումը:

-Ձեր ընտանիքում Ամանորին նախաշեմին ինչպիսի՞ տրամադրություն է տիրում:Ո՞ր ավանդույթներն եք հատկապես պահպանում:

-Աղջիկներիս հետ զարդարում ենք տոնածառը, ապա հետևում ենք  չինական ու հայկական հեռուստաալիքներով հեռարձակվող տոնական միջոցառումներին:Կինս պատրաստում է մի քանի հայկական ավանդական ուտեստ:Օրինակ՝ թփով տոլմա, ապա բացում ենք մի շիշ գինի, շնորհավորում ենք միմյանց, մաղթում նորանոր հաջողություներ և արժևորում Սաթինեի ու Նանեի ուսման բնագավառում ձեռք բերած հաջողությունները:

-Չինացի ծանոթներին, ընկերներին մասնակից դարձնու՞մ եք տոնական օրերին,նրանք ի՞նչ կարծիք ունեն հայկական Ամանորի մասին:

-Մի խումբ չինացի ընկերներ միշտ մասնակցում են Չինաստանի հայկական համայնքի կազմակերպած հավաքույթներին: Նրանցից մի քանիսը հետաքրքված են հայերեն լեզվով, մշակույթով ու տոներով:2016 թվականի աշնանը նրանցից Չենչեն Վանգը, ով երկար ժամանակ սովորում էր հայերեն լեզու, «Չինահայի» ու ՀԱՀ-ի տրամադրած կրթաթոշակի շնորհիվ ժամանեց Հայաստան՝ ուսումը շարունակելու նպատակով:

Չինաստանում նույնպես տոնում են Նոր տարին, բայց նրանց մոտ ավելի սիրված է չինական ավանդական Նոր տարին, կամ ինչպես իրենք են ասում՝ Գարնանային տոնակատարությունը: Կարծես, այս տարի այն հունվարի 28-ին է սկսվելու:

Չինացիները սկսել են նաև Սուրբ Ծնունդն արևմտյան երկրների ավանդույթներով տոնել:Չինաստանի որոշ շրջաններում լայն տարածում է գտնում քրիստոնեությունը, որը նույնպես չինացիների կողմից արևմտյան արժեքների նկատմամբ տածած անթաքույց համակրանքի արդյունքն է:Նրանցից շատերը Սուրբ Ծնունդը տոնում են դեկտեմբերի վերջին՝ ինչպես ընդունված է արևմտյան աշխարհում: Չինացիները մեծամասամբ  սահմանափակ տեղեկություն ունեն Հայաստանի ու հայկական ավանդույթների մասին:

Իհարկե, համայնքի ներկայացուցիչները լավագույնս են ներկայացնում Հայաստանը, հատկապես ակտիվ են Չինաստանի հայկական համայնքի ուսանողական միության անդամները, ովքեր բազմաթիվ միջոցառումներ են կազմակերպում իրենց համալսարաններում, ներկայացնում հայկական մշակույթն ու ավանդույթները:

Վերջին տարիների ընթացքում Չինաստանի հայկական համայնքը բազմաթիվ մշակութային միջոցառումներ է կազմակերպել: Պետք է նշել, որ Չինաստանում  հայկականը Չինաստանին ներկայացնելը մեր կազմակերպության հիմնական նպատակներից մեկն է:

Այս միջոցառումների ընթացքում առաջնահերթությունը տրվում է համայնքում առկա արվեստագետների, ուսանողների ու ակտիվիստների ներգրավվածությանը:

՞րն է Ձեր բարեմաղթանքը համայն հայությանը:

-Ցանկանում եմ, որ մենք՝ հայերս, լինենք ավելի ակտիվ ու նախաձեռնող, հույսներս դնենք միայն մեզ վրա, յուրաքանչյուր օր կատարելագործենք մեր հմտությունները:

Պետք է հիշել, որ Հայաստանը կզարգանա միայն այն դեպքում, եթե մեզանում ավելանան արժեք ստեղծող մարդիկ:Ուրեմն, մաղթում եմ, որ 2017թ.-ին հայության մեջ ի հայտ գան հմուտ գործարարներ, հյուսներ, խառատներ, բժիշկներ, լրագրողներ, զինվորներ, կառավարիչներ ու գիտնականներ: Իսկ ի՞նչ է պետք այս ամենի համար, պատասխանը մեկն է՝ քրտնաջան աշխատանք, ու նորից կրկնեմ՝ նախաձեռնողականություն:

Ամանորի տոներին մաղթում եմ նաև զերծ մնալ բազմատեսակ ու թանկարժեք ուտելիքներից բաղկացած սպառազինությունների մրցավազքից. սա միայն ընտանեկան բյուջեի անիմաստ վատնում է:Դժվար, թե ինչ-որ մեկին 21-րդ դարում զարմացնենք թանկարժեք ուտեստով կամ խմիչքով: Այդ գումարը կարելի է ծախսել ճանապարհորդության, ուսման ու առողջության համար:

Իսկ Ամանորյա սեղանի լավագույն բաղադրատոմսը հետևյալն է. ստեղծել ուրախ ու սիրալիր մթնոլորտ ընտանիքում, ու Ամանորի գիշերվա հրաշքն անպայման իրականություն կդառնա:Սիրելի՛ հայեր, շնորհավո՛ր Ամանոր և Սուրբ ծնունդ:

Հարցազրույցը՝ Գևորգ Չիչյանի

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: