China-Eurasia News Ticker

«Մեկ գոտի, մեկ ճանապարհ»-ը կարող է լինել Հարավային Կովկասում կայունության ապահովման եւս մեկ երաշխիք». Արմեն Աշոտյան

07.07.2017

ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը հուլիսի 7-ին ընդունել է Շանհայի միջազգային հետազոտությունների ակադեմիայի պատվիրակությանը: Հանդիպմանը ներկա են եղել նաեւ Հայաստանում Չինաստանի Ժողովրդական Հանրապետության արտակարգ եւ լիազոր դեսպան Թիան Էրլունը, ՀՀ ԱԺ արտաքին հարաբերությունների մշտական հանձնաժողովի Վերլուծական խորհրդի ներկայացուցիչները:

Ողջունելով հյուրերին ՀՀ Ազգային ժողովում՝ Արմեն Աշոտյանը կարեւորել է Շանհայի միջազգային հետազոտությունների ակադեմիայի հետ հանդիպումը եւ նշել, որ այն կարող է հիմք հանդիսանալ Վերլուծական խորհրդի հետ հետագա համագործակցության համար: Շանհայի միջազգային ակադեմիայի պատվիրակության ներկայացուցիչները եւս ընդգծել են փոխգործակցության կարեւորությունն ու հնարավորությունները, հույս հայտնել հետագա համատեղ նախագծերի իրականացման վերաբերյալ:

Արմեն Աշոտյանը ներկայացրել է ՀՀ արտաքին քաղաքականության առաջնահերթությունները, կարեւորել Չինաստանի հետ ոլորտային համագործակցության ընդլայնումը եւ առկա ներուժի լիակատար իրացումը: Այս համատեքստում մեծապես կարեւորվել է «Մեկ գոտի, մեկ ճանապարհ» չինական մեգանախագիծը, այդ նախագծի նկատմամբ Հայաստանի հետաքրքրվածությունն ու դրա շրջանակում համագործակցության հնարավորությունները: Արմեն Աշոտյանը կարեւորել է նախագծի դերը՝ որպես տարածաշրջանի տնտեսությունն ակտիվացնող գործոն, ինչը երաշխիք կարող է դառնալ տարածաշրջանային կայունության ապահովման համար:

Անդրադարձ է կատարվել նաեւ տարածաշրջանի կայունության հարցին: Այս համատեքստում ընդգծվել է այն հանգամանքը, որ Հարավային Կովկասում ցանկացած տնտեսական ծրագիր շահեկան կարող է լինել միմիայն կայուն անվտանգության եւ հարատեւ խաղաղության պայմաններում: Հարցի առնչությամբ Արմեն Աշոտյանը մատնանշել է Հայաստանի հանձնառությունը տարածաշրջանի կայունության պահպանման գործում, միեւնույն ժամանակ փաստել, որ կայունության ապահովումը միակողմանիորեն այնքան էլ հեշտ չէ:

Հանդիպման ընթացքում քննարկվող հարցերի վերաբերյալ իրենց տեսակետներն են հայտնել նաեւ ԵՊԼՀ ՅՈՒՆԵՍԿՕ-ի մարդու իրավունքների, ժողովրդավարության եւ եվրոպագիտության ամբիոնի վարիչ Տիգրան Թորոսյանը, «Նորավանք» գիտակրթական հիմնադրամի տնօրեն Գագիկ Հարությունյանը, Տարածաշրջանային հետազոտությունների կենտրոնի առաջատար վերլուծաբան Դավիթ Շահնազարյանը, Չինաստանի Հայկական համայնքի ղեկավար Մհեր Սահակյանը: Հանդիպման ավարտին կողմերը քննարկել են հետագա համագործակցության հնարավորությունները:

Աղբյուրը՝http://www.parliament.am/

photo

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: