Չինաստանի Հայկական համայնքից տեղեկացնում են, որ 2014թ. դեկտեմբերի 29-ին Չինաստանի Թիանջին քաղաքի ֆիլհարմոնիայի մեծ դահլիճում  Միքայել Հայրապետյանը կներկայացնի իր երաժշտական ծրագիրը, որը կոչվում է «Հայաստանի գաղտնիքները»: Ծրագիրը նպատակ ունի Չինաստանում հանրաճանաչ դարձնել հայկական դասական երաժշտությունը: Միքայել Հայրապետյանը համերգի ընթացքում կներկայացնի Կոմիտասի, Բաբաջանյանի, Բաղդասարյանի, Աբրահամյանի և Ամիրխանյանի ստեղծագործությունները: Համերգը նվիրված է Հայոց ցեղասպանության 100 ամյակին: