Չինաստանի Նանջինգ քաղաքում մեկնարկել է հայ նկարիչ Սևադա Գրիգորյանի <<Դեպի լույս>> խորագրով անհատական ցուցահանդեսը: Սևադա Գրիգորյանը ապրում և ստեղծագործում է Չինաստանում: Ցուցահանդեսում նկարիչը ներկայացնում է իր <<Չինական շարքը>>, որի միջոցով ներկայացնում է Չինաստանի մշակույթից ստացած իր տպավորությունները:
Ցուցահանդեսը մեծ հետաքրքրություն է առաջացրել, թե՛ չինացի, թե՛ այլազգի արվեստասերների շրջանակներում:
Նկարչի գունանկար աշխատանքներում մեծ տեղ են զբաղեցնում ընտանիքի, սիրո և խաղաղության թեմաները: Ուշագրավ է նաև նկարչի գրաֆիկական շարքը գրքի թերթերի վրա:
Ցուցահանդեսի ամբողջ ընթացքում հնչելու են Կոմիտաս Վարդապետի ստեղծագործությունները: