2016թ. դեկտեմբերի 7-ին Չինաստանի Նանջինգի համալսարանի Միջազգային հարաբերությունների ինստիտուտում տեղի է ունեցել «Դոկտորանտների գիտական ֆորումը»: Չորս երիտասարդ հետազոտողներ հրավիրված էին ներկայացնելու իրենց ուսումնասիրությունները միջազգային հարաբերությունների ոլորտում: Բանախոսների թվում էր նաև նույն ինստիտուտի դոկտորանտ Անահիտ Պարզյանը: Նա ներկա պրոֆեսորադասախոսական կազմին, ուսանողներին ներկայացրեց սեփական դիտարկումներն ԱՄՆ-ի կիբերքաղաքականության վերաբերյալ:
Նանջինգի համալսարանը հանդիսանում է Չինաստանի 5 լավագույն համալսարաններից մեկը: Այն չինական առաջին բուհն է, որը հեղափոխությունից հետո հյուրընկալել է միջազգային հետազոտողներին և ուսանողներին: