Չինաստանի Հանրապետության հիմնադիր, մեծ հեղափոխական Սուն Յաթ-Սենի ( 1866 -1925) դամբարանը գտնվում է ՉԺՀ Նանջինգ քաղաքում:

Դամբարանը կառուցվել է 1928թ.-ին, ճարտարապետ՝ Լու յանջի:

Հետաքրքիր շինություն է, կարծես խորհրդանշում է այն դժվար ուղին, որով անցել է մեծ հեղափոխականը մանչժուրական Չժին դինաստիային տապալելու գործում: Այնտեղ հասնելու համար պետք է գնալ Մանուշակագույն սար, որից հետո բարձրանալ բազմաթիվ աստիճաններով, որպեսզի հասնել այն բարձրությանը, որտեղ գտնվում է հեղափոխականի դամբարանը: Բարձունքում կանգնած է 19-րդ դարի վերջի ու 20-րդ դարի սկզբի Հեռավոր Արևելքի կարկառուն առաջնորդի մարմարե արձանը, որի մոտ են գալիս չինացիները խոնարհվում, ծաղիկ դնում: Մի պահ մտածեցի արժե արդյոք նմանատիպ դամբարաններ սարքել, չէ որ Սուն Յաթ-Սենն իրական կյանքում համեստ անձնավորություն է եղել ու այն եզակիներից մեկը, ով համաձայնեց հանուն Չինաստանի միասնության ու համերաշխության հրաժարվել իշխանությունից, բայց մյուս կողմից էլ մտածեցի, որ սա էլ իր ձևով հիշեցում է բոլոր ղեկավարներին, որ եթե խախտեն ժողովրդավարության պատգամներն ու բռակալություն հաստատեն, ապա կգտնվեն Սուն Յաթ-Սենի նման հեղափոխականներ, որոնք կկանգնեն ոտքի ու ժողովրդին կառաջանորդեն դեպի հաղթանակ ու ազատություն: