2017թ․ դեկտեմբերի 19-ին ««Չինաստան-Եվրասիա» քաղաքական և ռազմավարական հետազոտությունների խորհուրդ»» հիմնադրամի կողմից կազմակերպված «Վերաիմաստավորելով Չինաստանի արտաքին քաղաքականությունը» հատուկ դասընթացում՝ Նաիրի Հոխիկյանը  ներկայացրեց իր հետազոտությունը, որը կոչվում է «Հայ-չինական համագործակցությունը տարածաշրջանային հակամարտությունների համատեքստում և ռազմական ոլորտում»:

Բանախոսը հայտնի հեռուստամեկնաբան-լրագրող է, ղեկավարում է Diplomat.am նախաձեռնությունը:

Նաիրի Հոխիկյանը մանրամասն ներկայացրեց Չինաստանի ռազմաարդյունաբերության վերաբերյալ իր հետազոտությունը, կարևորեց հայ-չինական ռազմաքաղաքական համագործակցությունը, խոսեց ույղուրական հիմնախնդիրի շուրջ:

Քննարկմանը մասնակցում էին Արտակարգ և լիազոր դեսպան Արման Նավասարդյանը, ««Չինաստան-Եվրասիա» քաղաքական և ռազմավարական հետազոտությունների խորհուրդ»» հիմնադրամի ղեկավար, ՊԱՀՀ-ի գիտնական-վերլուծաբան Մհեր Սահակյանը, «Թվային Հայաստան» հիմնադրամի փորձագետ, Նանծինի համալսարանի դոկտորանտ Անահիտ Պարզյանը, «Վերաիմաստավորելով Չինաստանի արտաքին քաղաքականությունը» դասընթացի ունկնդիրները։

Դասախոսությունից հետո ծավալվեց ակտիվ քննարկում և կարծիքների փոխանակում: