China-Eurasia News Ticker

ԱՐՄԵՆՊՐԵՍ․ Տեղի է ունենում «Չինաստան-Եվրասիա» միջազգային գիտաժողով

ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: 2021թ. հոկտեմբերի 3-4-ը Հայ-ռուսական (սլավոնական) համալսարանում տեղի է ունենում «Չինաստան-Եվրասիա» միջազգային գիտաժողովը։

Ինչպես հաղորդում է «Արմենպրես»ը, այն կազմակերպել է «Չինաստան-Եվրասիա» քաղաքական և ռազմավարական հետազոտությունների խորհուրդ» հիմնադրամի և Հայ-ռուսական (սլավոնական) համալսարանը: Գիտաժողովի անցկացմանն աջակցում է Հայաստանում Չինաստանի Ժողովրդական Հանրապետության դեսպանությունը։

Անդրադառնալով գիտաժողովին՝ Հայ-ռուսական համալսարանի ռեկտոր Արմեն Դարբինյանը նշեց, որ այս գիտաժողովը կխթանի Հայաստանում չինագիտության զարգացմանը, կարևոր տեղեկատվություն կտարածի Չինաստանի և Եվրասիական այլ երկրների հարաբերությունների վերաբերյալ։

«Չինաստան-Եվրասիա» գիտաժողովի կազմկոմիտեի հիմնադիր ղեկավար, քաղաքական գիտությունների թեկնածու Մհեր Սահակյանը նշեց, որ գիտաժողովի հիմնական նպատակն է դառնալ Չինաստանի և Եվրասիական երկրների հարաբերությունների վերաբերյալ տարվող գիտական քննարկումների միջազգային հարթակ։ Այն լավ առիթ է, որ հայ և արտասահմանցի գիտնականները միմյանց հետ փոխանակեն հետազոտություններ, համեմատեն տարբեր երկրներում կիրառվող  մեթոդաբանությունները և նպաստեն միջդիսցիպլինար երկխոսությանը:

«Արդեն ավանդույթ է դարձել, որ ամեն տարի այս ժամանակահատվածում Հայաստանը վերածվում է Չինաստանի և Եվրասիայի մասին շատ կարևոր քննարկումների կենտրոնի»,- շեշտեց Սահակյանը։ 

«Որպես լավ բարեկամ և գործընկեր՝ Չինաստանը հաստատակամորեն աջակցում է հայ ժողովրդի ընտրած զարգացման ուղին և պատրաստ է կառավարման և տնտեսական զարգացման օգտակար փորձը կիսել Հայաստանի հետ»,- նշեց Հայաստանում Չինաստանի դեսպան Ֆան Յոնգը։ 

Նրա խոսքով՝ հայերն ու չինացիներն ունեն բազում ընդհանրություններ՝ հնագույն քաղաքակրթություն, հարուստ մշակույթ, ճկուն միտք. սրանք այն գործոններն են, որոնք այսօր հիմք են ստեղծում արդյունավետ համագործակցության համար: 

Իր խոսքի ավարտին դեսպանը նշեց, որ հաջորդ տարի Չինաստանը և Հայաստանը կնշեն դիվանագիտական հարաբերությունների հաստատման 30-ամյակը, որը կարևոր իրադարձություն է երկկողմ հարաբերությունների պատմության մեջ։ Չինաստանի և Հայաստանի համագործակցությունը նոր զարգացման կհասնի, նոր մակարդակի կհասնի, և արդյունքում կշահեն երկու երկրներն ու երկու ժողովուրդները։

Հղումը՝ https://armenpress.am/arm/news/1069801.html?fbclid=IwAR05r5rf3uYf2tp_t7LJEJXEWO9fn-AIZAmpebt9fWSY8JoMy157wsu8HUM

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: