Երևան, Հայաստան, և Հոնկոնգ, 2 նոյեմբերի, 2023 թ.: Հայկական «Չինաստան-Եվրասիա» քաղաքական և ռազմավարական հետազոտությունների խորհուրդը և Հոնկոնգի բապտիստական համալսարանի Դեյվիդ Չ. Լամի անվան Արևելք-Արևմուտք հետազոտությունների ինստիտուտը փոխըմբռնման հուշագիր են ստորագրել, որը նպատակ ունի ամրապնդել համագործակցությունը:

Հուշագիրը ստորագրել են «Չինաստան-Եվրասիա» քաղաքական և ռազմավարական հետազոտությունների խորհուրդի հիմնադիր տնօրեն ք․գ․թ․ Մհեր Սահակյանը և Հոնկոնգի բապտիստական համալսարանի սոցիալական գիտությունների ֆակուլտետի դեկան և պրոֆեսոր Դանիել Վ. Լ. Լայը:

Այս ռազմավարական համագործակցությունը, որն ուժի մեջ է մտնում 2023 թվականի նոյեմբերի 1-ից, սահմանում է հիմնական նպատակները, որոնք ներառում են՝

• Ակադեմիական տեղեկատվության և հրապարակումների փոխանակում
• Փորձագիտական հանդիպումներ և խորհրդատվություն
• Համատեղ կոնֆերանսների, սեմինարների, դասընթացների և միջոցառումների կազմակերպում
• Համատեղ հետազոտական նախագծերի և հրապարակումների պատրաստում
• Անձնակազմի և ուսանողների փոխանակման խթանում

Երկու ինստիտուտների միջև նախնական փոխգործակցությունը տեղի է ունեցել 2022 թվականի հոկտեմբերի 27-ին, երբ ք․գ․թ․ Մհեր Սահակյանը Հոնկոնգի համալսարանում մասնակցել է AsiaGlobal Fellowship ծրագրին:  Արդյունքում, նա դասախոսություն է կարդացել Դեյվիդ Չ. Լամի անվան Արևելք-Արևմուտք հետազոտությունների ինստիտուտում ՝ տնօրեն դոկտոր Քևին Լոյի հրավերով:

Այս հանդիպման ընթացքում կողմերը քննարկել են «Չինաստան-Եվրասիա» քաղաքական և ռազմավարական հետազոտությունների խորհրդի և Դեյվիդ Չ. Լամի անվան Արևելք-Արևմուտք հետազոտությունների ինստիտուտի միջև համագործակցության հաստատման կարևորությունը, համատեղ հետազոտությունների և ակադեմիական փոխանակումների կազմակերպումը:

Ք․գ․թ․ Մհեր Սահակյանն իր երախտագիտությունն է հայտնել դոկտոր Լոյին՝ ընդգծելով նրա առանցքային դերը փոխըմբռնման հուշագրի հաջող կնքման գործում: Նա նշել է, որ Դեյվիդ Չ. Լամի անվան Արևելք-Արևմուտք հետազոտությունների ինստիտուտի հետ երկարաժամկետ գործընկերության հաստատումը կարևոր հիմնակետ է «Չինաստան-Եվրասիա» քաղաքական և ռազմավարական հետազոտությունների խորհուրդի համար: Ք․գ․թ․ Սահակյանն ընդգծել է իրենց վերջին համագործակցության ձեռքբերումները, այդ թվում՝ Հոնկոնգի բապտիստական համալսարանում համատեղ սեմինարը, որին մասնակցել են ավելի քան 58 մասնակիցներ, և նրանց համատեղ ներդրումը Routledge Handbook of Chinese and Eurasian International Relations գրքի պատրաստման գործում, որը հրատարակելու է Routledge-ը՝ հումանիտար և հասարակական գիտությունների ոլորտում գիտական աշխատությունների աշխարհի խոշորագույն հրատարակիչը: Ք․գ․թ․ Սահակյանը լավատեսություն հայտնեց, որ փոխըմբռնման հուշագիրը ճանապարհ կհարթի համագործակցության ընդլայնման և ապագայում բարենպաստ արդյունքների համար:

Դոկտոր Լոն ողջունել է այս համագործակցությունը և նշեց. «Մենք շատ ուրախ ենք համագործակցել հայկական «Չինաստան-Եվրասիա» քաղաքական և ռազմավարական հետազոտությունների խորհրդի հետ, որը միջազգային քաղաքականության ուսումնասիրության բացառիկ փորձ ունեցող ուղեղային կենտրոն է, հատկապես Չինաստան-Եվրասիա հարաբերությունների ոլորտում: Փոխըմբռնման հուշագրի շրջանակներում Դեյվիդ Չ. Լամի անվան Արևելք-Արևմուտք հետազոտությունների ինստիտուտը և Հայաստանի «Չինաստան-Եվրասիա» խորհուրդը կհամագործակցեն կոնֆերանսների, սեմինարների և դասընթացների կազմակերպման , համատեղ հետազոտական ​​նախագծերի իրականացման և հրապարակումների պատրաստման, ինչպես նաև անձնակազմի և ուսանողների փոխանակման գործերում: Փոխըմբռնման հուշագիրը զգալիորեն կբարձրացնի Դեյվիդ Չ. Լամի անվան Արևելք-Արևմուտք հետազոտությունների ինստիտուտի հետազոտական ​​պրոֆիլը Չինաստանի համաշխարհային ուսումնասիրությունների ոլորտում: Ցանկանում եմ իմ անկեղծ երախտագիտությունը հայտնել ք.գ.թ. Մհեր Սահակյանին մեր գործընկերության մեջ ունեցած անգնահատելի ներդրման համար և ակնկալել դրական արդյունքներ, որոնք կառաջանան մեր համատեղ ջանքերից»: