«Չինաստան-Եվրասիա» քաղաքական և ռազմավարական հետազոտությունների խորհրդի ղեկավար ք․գ․թ․ Մհեր Սահակյանն ընտրվել է Միջազգային խաղաղության ինստիտուտի Խորհրդականների խորհրդի անդամ։ Այս հեղինակավոր կազմակերպությունը ստեղծվել է 1959 թվականին Ավստրիայի մայրաքաղաք Վիեննայում։ Այն մեծ ներդրում ունի միջազգային խաղաղության և անվտանգության գործում։ Կազմակերպությունը խորհրդատվություն է տրամադրում Միավորված ազգերի կազմակերպության ստորաբաժանումներին։ Մհեր Սահակյանը շնորհակալություն է հայտնել Միջազգային խաղաղության ինստիտուտին վստահության համար, նշել է, որ մեծ պատիվ է ընտրվել Խորհրդականների խորհրդի անդամ։ Իր ջանքերը կներդնի միջազգային անվտանգության և խաղաղության ամրապնդման գործում։